माह्या बाप

माह्या बाप
हाळाची काळं करून
बाप माह्या राबला
खाऊन मिठभाकर
पिल्लायसाठी जगला

बरसला का मिरूग
ढेकलं लागतीन ऊलू
सपन पायते बाप
वावर लागीन फुलू

रातदिसं एक करून
मातीत घाम त्यानं गायला
घरासाठी त्याच्यावाल्या
राब राब राबुन राह्यला

सोसून उन्हाच्या झावा
जमीन त्यानं कसली
थकूनभागून नजर त्याची
वाट पायत बसली

कोळ्ल्या, गरम मातीत
वळ्ल्या त्यानं रेघा
मीरगाची वाट पायते
बाप माह्या रे ढगा

केली मशागत शेताची
उन पाऊस झेलून
जींदगीभर फिटनार नाई
त्याच्या कष्टायचं ऋन
• रघुनाथ सोनटक्के
 पुणे, मो.८८०५७९१९०५

६ जून २०२०, दै. आदर्श महाराष्ट्र आणि  ११ जुन २०२० च्या साप्ताहिक कृषकोन्नतीमधे प्रकाशित   
https://deshonnati.digitaledition.in/2709351/Krushkonnati-2014/11th-Jun-Krushkonnati#page/8/2
 १७ जून २०२०, दै. जनमाध्यम

 

 

काहून नाई पेले देशी

काहून नाई पेले देशी

बाबा तुमी काहून घेतली फाशी
काहून नाई पेले तुमी दारू देशी

तुमी गेले त्या दिशी कोणी नाय पाह्यलं
दारू पेणार्याच्या घराले टिवीवर दाखोलं
तुमी आणली ही टिवी अशीकशी
बाबा काहून नाई पेले तुमी दारू देशी

सारं कसं उलटं हून राह्यलं
ढोसणार्याले अनुदान भेटून राह्यलं
पोशींदा मरून राह्यला उपाशी
बाबा काहून नाई पेले तुमी दारू देशी

नोकरवरगाले सरकार आयोग देवून राह्यलं
बिल नाही म्हून आमाले अंधारात ठुन राह्यलं
आमचं म्हणणार्या सरकारची निती हाय कशी
बाबा काहून नाई पेले तुमी दारू देशी

 • रघुनाथ सोनटक्के

बेवळा

बेवळा

रोज पायजे त्याले प्याले
खाले चकना दाणे काजू
मस्तवाल झाला साला
रायला हा बेवळा माजू

पिऊन पिऊन रोज
सळ्लं याचं लिवर
कदी पेते देसी कोरी
कदी गावरान पिवर

बायको पोरायले झोळ्ते
भांडे-कुंडे टाकते ईकून
मारामारी गाली गलोच
मारते हाती ईल ते फेकून

पेल्यावर मानत नाई कोनाले
बोलते इंग्लिस केवळा
सुनत नाई कोनाच्या बापाची
हाय हा इब्लिस बेवळा

सारं केलं वाटोय यानं
नुसतं पायजे याले खंबा
अस्या बेवळ्याचं काई खरं नाई
शेवटी होते मंग तो लंबा

• रघुनाथ सोनटक्के

 २१ मे २०२०, दै. युतीचक्र

माय

माय

लेकराले देते पुरन पोई
सोता कयन्याची भाकर
नेमी वायते नदीसारखी
अन् व्हते मायेचा सागर

फाटकं नेमी तिचं लुगळं
शिवते संसार फाटका
पायना टांगुन सावलीत
सह्यते उनाचा चटका

आसू ठूते लपून डोयात
अस्ते कायजी लय वधर
लेकानं जरी दुखोलं तीले
तरी पसरते त्याले पदर

झीजून जन्म चंदनासारका
शेवटालोग खपत रायते
लेकरासाठी तिचा जीव
तयतय निस्ता तुटत रायते

• रघुनाथ सोनटक्के
  मो. ८८०५७९१९०५

  १३ मे २०२०, दै. युतीचक्र आणि दै. जनमाध्यम

११ मे २०२०, दै. आदर्श महाराष्ट्र 

माही झोपळी

माही झोपळी
सुख नांदते घरात
नाई कायचीच कमी
वठी शब्द पेरमाचा
हाय आनंदाची हमी...

चुलीवर मी भाजतो
घामा भिजली भाकर
भुक पोटाची मिटते
येते तृप्तीचा ढेकर....

नेमी दुळ्ळीत रायते
भाजी भाकर कुटका
जाये ना उपासी कोनी
दारातून ह्या भटका...

भीती उभ्या ममतेच्या
देते सावली छप्पर
घारघुर रोज मले
झोप लागते अपार...

काम हाताले झटून
देते बापाचं वावर
पोरं बायको भक्कम
हावो जीता मी जोवर
• रघुनाथ सोनटक्के
 ९ मे २०२०, दै. आदर्श महाराष्ट्र आणि दै. युतीचक्र
१० मे २०२०, दै. जनमाध्यम 

   

धुयमाती

धुयमाती
धुयमातीच्या दिसी
पक्या लय व्हता पेला
रंंग हाताले लावुन थो
घरी दोस्तायच्या गेला

घेत्ली त्यांनं देसीची
दोस्तायसंग क्वाैटर
नेम त्याचा दिसेच मले
हा घळोते भलतं मॅटर

दोस्तमीत्र त्याले भलकसे
चळोतं हरभर्‍याच्या झाळावर
हा तं मंग समजे जसा
चळ्लो आपुन गळावर

दोस्तायनं त्याच्या मंग
गटारात त्याले घातला
ज्यादा झाली दारू तं
मंग भदाभदा वक्ला

वैनी-वैनी करत थो
शालीच्या घरी मंग पोच्ला
रंगानं भीजोयाले तिले
पक्या रंदावनातच बस्ला

सोळा म्हणे मले तुमी
शाली बोलून भल्ली थक्ली
जानकुळ काळून चुलीतलं
मांग भलकसी लागली

घरात आपल्या घुसत
पक्या बायकोमांग लपला
माहित पळ्ळ्यावर मामला
बायकोनई बम चोप्ला
• रघुनाथ सोनटक्के

  मो. ८८०५७९१९०५

२६ मे २०२०,  आदर्श महाराष्ट्र

 

पक्याचा वैलेंनटाईन

 वर्‍हाडी कविता

पक्याचा वैलेंनटाईन
(वर्‍हाडी कविता)
 
वैलेंनटाईनच्या दिसी
पक्या उट्ला पायटी
आंग धून रेडी झाला
कदी नाई तो नवती

सेंट मारला बगलीत
बुटाले केली मालिस
खटारा गाळी बनोली
जसी नवी काॅलीस

पक्या चाल्ला व्हता
हातात गुलाब घिवुन
येतो म्हणे कालेजात
एका पोरीले त्या दिवुन

रस्त्यात भेट्ली चंदाबुडी
आळोला तिनं रस्ता
पळनार व्हता त्याले म्हाग
लाल गुलाब सस्ता

पक्या नेमीच घेत जाये
निरानाम बुडीचे खेटे
चंडायन्या केल्यावर मंग
बुडी भल्ककसीच पेटे

संदी पावुन चांगली
बुडीनं रस्ता अळोला
दे मले फुल मनत
अवाज तीनं वाळोला

हातातला गुलाब नाता
दे रे माह्या देवाले
नाई तं दिन सांगुन
तुया बाप रामभावाले

बुडीच्या ब्लैकमेलमदी
पक्या भल्ता फसला
परपोज गेलं खड्डयात
अन् वैलेंटाईन कस्ला
• रघुनाथ सोनटक्के ©
   (प्रकाशित)

आवडल्यास नावासह शेअर करा.
१९ मे २०२०, दै. युतीचक्र  

अवकाळी

अवकाळी
सांडून गेल्या बागा
गळून गेला फुलोर
नासवून गेला पीक
पाऊस तो मुजोर !

ओलाचिंब हरभरा,
गळला आंब्याचा मोहोर,
द्राक्ष-डाळींबाचा सडा
केला कहरच कहर ...

कांदा पुरता नासला,
टमाटी, भाजी सडली
रोजी-रोटीची चिंता
पुन्हा नव्यानं पडली

पिकलं होतं सुपानं
फाडला माझा पदर
कसं काढायचं वर्ष
कसं भरायचं उदर ?

नको तेव्हा बरसला
ऐन आल्यावर बहर
डोळ्यादेखत नासवलं
का प्यावं आता जहर ?

देत नाहीस रे तू जे
मी मागितलं मागणं
पटत नाही देवा तुझं
हे अवकाळी वागणं ...

• रघुनाथ सोनटक्के

२२ मार्च २०२०, दै. लोकशाही वार्ता
 २३ एप्रिल २०, दै. युतीचक्र, १ जून २०२० दै आदर्श महाराष्ट्र 

लगन

तुय लगन पोरी
तुय लगन होईन पोरी
तवा जाशीन तू दूर
पण माह्या जीवात आग
अन् ईन डोयात पूर

तुया लगनात पोरी
नाचतीन पोरी-पोरं
मी मातरं एकटाच असीन
लळीन संग वारं

तुया लगनात पोरी
हास्तीन तुये होठ
मले मातरं प्या लागीन
तुया जुदाईचा घोठ

तुया हातावर्ची मेंदी
रंगुन जाईन फार
अन् उळवतीन लोकं
तुया लगनाचा बार

होईन तुयं सुभमंगल
अन् पळीन गयात हार
मी मातरं होईन पोरी
जागच्या जागी ठार

लळशीन तू जवा
सारं जग पाईन
कोनासाठी लळतं
कोनाले ना कईन

मी तुयावर पेरम करतो
फक्त ध्यानात ठेवजो
आठोन आली माही तं
तवा चंद्राकळे पायजो

या जन्मात नाई
तुयं मायं वं मीलन
पुळच्या जन्मी तं
तुया शीवाई ना जमन
• रघुनाथ सोनटक्के
   (प्रकाशित कविता)

२००१ दै. देशोन्नती मधे प्रकाशित

भातकं

भातकं
आबा माह्या आने
भातक्याची पुळी
गुया परीस  राये
लय त्याची गोळी

शेव-चिवळा, जलेबी
कुरकुर थे पापळी
सारे बसत लेकरं अन्
गोल करत साकळी

आजच्या पिज्ज्याले नाई
त्या भातक्याची गोळी
चुलीच्या सैपाकाची सर
गैसवरच्याले थोळी?

कदी भेटे उसाचं कांडं
कधी गुयाची भेली
धावपईच्या जगात थे
मजाच गायब झाली

जीव लावणारे मान्सं
देत चारान्याचं भातकं
लाहनपनी वाटे त्याचं
सुख अभायाइतकं
• रघुनाथ सोनटक्के

२२ डिसेंबर २०१९ च्या दै. विदर्भ मतदार मध्ये प्रकाशित.  
२३ फेब्रुवारी २०२० च्या दै. मातृभूमी (अकोला) मधे प्रकाशित
३१ मे २०२० च्या दै. युतीचक्र

परतीचं पानी

परतीचं पानी

गेला श्रावण कोरडा

पीक सारं होतं सुकलं

दुबारनी आलेलं हाताशी

तेही आता आहे हुकलं

भीजलं सारं सोयाबीन

ज्वारी झाली काळीभोर

रबी गेला घेऊन पीक

खरिपाची तोडली डोर

कोसळला भरीव धान

कणसाला फुटले कोंब

उराशी बाळगलेल्या सार्‍या

सपनाचा झाला होम

वावरात साचलं पाणी

पीक पिवळसर पडलं

भरल्या माठाला गड्या

एका रातीतच तोडलं

कपाशीचा गळला फुलोर

सडल्या आतून बोंड्या

काळा पडला कापूस

जशा बकरीच्या लेंड्या

आधी देली हुलकावणी 

आता ज्यादाचं पडलं

वाकलेलं माझं कंबरडं

अजुनच आहे मोडलं  

• रघुनाथ सोनटक्के

  तळेगाव दाभाडे, पुणे

  मो. ८८०५७९१९०५

साप्ताहिक कृषकोनती २० ऑक्टोबर २०२०

परतीचं पानी

(वर्‍हाडी)

गेला सरावन कोळ्लां
अगाईत त्वा चिमोलं
दुबारनी आलं हातासी
तेई आता लांबोलं

सळ्ळं सारं सोयाबीन
जवारी झाली काईभोर
रब्बी गेला घेऊन
खरिपाची तोळ्ली डोर

मोळ्ळे लंबे धांडे
कनसाले फुटले कोंम
देल्ला फिरून पोतेरा
सपनाचा झाला होम

भरल्या वावरात डाबरी
पीक पिव्वं धम पळ्लं
भरल्या माठाले गळ्या
एका रातीतच तोळ्लं

पराटीचे गयले फुलं
सळ्ळ्या अंदरून बोंड्या
काया पळ्ळां कापुस
जश्या बकरीच्या लेंड्या

आदी देल्ती चाट
आता ज्यादाचं पाळ्लं
वाकेल मायं कंबळ्लं
आजुनच हाय मोळ्लं

• रघुनाथ सोनटक्के

  तळेगाव दाभाडे, पुणे

३ नोव्हेंबर २०१९ च्या दै. विदर्भ मतदार आणि दै लोकशाही वार्ता, प्रतिबिंब पुरवणीत प्रकाशित 

 

सीतादई

सीतादई

बहरलं हिर्व रान

आली पर्‍हाटी फुलून

दह्यावानी पांड्डापट

निंगे कापुस ऊलून

टोचे बोटाले कच्कन

त्याची धारदार नखं

बाई खंदाळी येचता 

गेले दुखून वं बखं

तपे सुर्य अभायात

झाल्या बोंडाच्या चांदन्या 

संध्याकाई ईन बंडी

भरले गठोळे बांधन्या 

वाजे कसांड्या पांदीनं

आला घ्याले घरधनी

भरल्या खंदाळ्या पाऊन

जीव गेला हरकुनी

हात लावा वं सयाव्हा 

घेते पान्याचं भरनं

बरबटी शेंगा-भेंडं

जमा केले त्यात वरनं

चार गाठोळे बसले

ऐकमेकाले खेटून

गादी कर्‍याले जरासा

औंदा ठेवतो राखून

किस्न निजे पायन्यात 

ऊतू गेलं लाह्या-दही

देवा! पिकू दे असंच 

आता झाली सीतादई

• रघुनाथ सोनटक्के

२४ नोव्हेंबर २०१९ च्या दै मातृभूमी (अकोला) आणि विदर्भ मतदार (अमरावती) मधे प्रकाशित
३ डिसेंबर २०१९ च्या सायबर क्राईम मध्ये प्रकाशित.
७ जाने. २०२० च्या साप्ताहिक कृषकोन्नती मधे प्रकाशित.

गुर्जी

 
• गुर्जी •
 

पांड्डे कप्ळे घालत
साधे आम्चे गुर्जी
शिकोयाले फक्त खळू
होती तुट्की खुर्ची

भिंतीवर काया फळा
हातात फांदीची छळी
घाबरत जावो सग्ळे
पन वाटत जाये गोळी

शिकोयाले व्हते कळक
आतून लोण्याचा गोया
काळून आणत घरातून
राये परतेकावर डोया

मातीच्या गोयाले देला
संस्कारासंगं आकार
झ्याक शिकोलं गणित
वेलांटी, मात्रा, ऊकार

शिक्षणाचं पेरून बी
लावलं आमाले अत्तर
विचारलं कोन्ताई प्रश्न
तं हजर व्हतं उत्तर

पाजलं वागीनीचं दुद
उघळला तिसरा डोया
आठोनीत हायेत गुर्जी
जसा अत्तराचा फाया
• रघुनाथ सोनटक्के
(प्रकाशित)

१५ सप्टेंबर २०१९ तरुण भारत (नागपूर) आसमंतमधे प्रकाशित
८ सप्टेंबर २०१९ विदर्भ मतदारमधे प्रकाशित

   

अवकाळी

कविता

• अवकाळी •

जवा पायजे तवा
आला नाय गड्या
आता मातरं गारा
बरसतो केवढ्या

पिक आलं होतं
कसंतरी रं हाती
अचानक येऊन
केली सारी माती

ओला होऊन सडेल
पडला सम्दा बहर
सवड न देता तू
केला एवढा कहर

झोडून काढलं असं
माल सारा नासला
शेंडबहर होता थोडा
तोही आता कसला?

गारपिटीने ह्या देला
दगा अवकाळी
नुकसानच लिवलं
हाय असं भाळी
• रघुनाथ सोनटक्के

(२१ एप्रिल २०१९ दै. तरुण-भारत, नागपूर)

 

मामाची पोर

मामाची पोर

माझ्या मामाची शाली भलकसी लाजते
दिसलो कि मी तिले खुदूखुदू हसते

गेलो मी बाहेर कि टेप लावून नाचते
संध्याकाळी माझ्यादेखत शिंगार करून सजते

नसलं घरी कुणी तवा जवळ येऊन बसते
पिक्चरात जशी हिरोमांग हिरोईन असते

लग्नाची निगाली गोठ कि खुदूखुदू हसते
घडीघडी करत इशारे, जवा घरी कुणी नसते

दिवसातून दोन वेळा गोल साठी नेसते
हिडगावते अशी कि स्वत:ले हिरोईन समजते

अशा शालीसारखी कुठे मामाची पोर असते
मनात काय चालू आहे नेहमी मले पुसते

अशी मामाची पोर नखरे करत असते
आपून पाह्यलं साधंसुधे आपल्याच गळ्यात बांधून भेटते

• रघुनाथ सोनटक्के

प्रकाशित कविता

बायकोची आठोन

« बायकोची आठोन »

तु गेली सोळून मले
आता तुई आठोन ईवुन रायली
भाकरीचा झाला वांदा
तु माहेरी पोया खाऊन रायली

कोणी कितीबी मना बा
बायकोची सर ना ईवुन रायली
दुद चाललं ऊतू गॅसवर
अन् मॅगीबी जवुन रायली

कपळे धुवा मना तं
नुसतं बॅट ऊळून रायली
मले खायाले कुटके
अन् तु तिकळे भजे तळून रायली

जातांना मनली रागात
तुमाले लयच चळून रायली
दूर जावुन गळ्या मले
तु भारी घळून रायली

टिवी पावाव कितीखेप
मोबाईलची चार्जिंग उळून रायली
या सार्‍यामदे काय मजा
तिकळून नुसतं मले फटू धाळून रायली

• रघुनाथ सोनटक्के

   तळेगाव दाभाडे, पुणे

   मो. 8805791905

  शब्दरसिकचा एप्रिल अंक: http://bit.ly/Rasik-Apr18

वात्रटिकासंग्रह: https://goo.gl/7CcLUw

दिवाळी अंक २०१७: https://goo.gl/RxRw8g

२ जानेवारी २०१९ च्या दै. पुण्यनगरी (विदर्भ आवृत्ती) मधे प्रकाशित

माह्या विदर्भ

माह्या विदर्भ

माह्या विदर्भाच्या मातीत

आपुलकीचा गंध

माणुस श‍ोधायले शिकोते

तुकळोजी रास्ट्रसंत

डेबू, तुकड्याबाबांनी केली

मनं आमची साफ

दया करा प्राणिमात्रावर

म्हणे करू नका पाप

देव आम्चा शेगावीचा

गजानन साधा

चमत्कारातुनही देला

उपदेस गाढा

पंजाबराव देस्मुखानी देला

शिक्षणाचा वसा

क्रुषीचाबी अन्भव त्यानं

देला मोलाचा

वावरात आमी पिकोतो

कापसाचं सोनं

सितादही करुन फेऴतो

किस्नाचं रुनं

सातपुळ्याच्या कुशीत अा‍माले

मिळते आधार अन् मेवा

काजुबदामाले पाळ्ंते मांगं

गोळंबी मोहफुलाचा ठेवा

याच म‍ातीत माहेर

जिजाऊचं सिंदखेडराजा

घळवला तिच्या कुशिनं

शिवाजी राजा

याच मातीनं देल्ला आमाले

विनोबाअन् आमटे बाबा

कौडण्यपूरच आम्ची काशी

माहूर आम्चं काबा

• रघुनाथ सोनटक्के

वऱ्हाडी बखर मधे प्रकाशित 
२० जानेवारी २०१९ च्या दै. विदर्भ मतदार मधे प्रकाशित

जींदगीचा सत्यानास

« जींदगीचा सत्यानास »

जवा म्या घेतला हाती दारूचा गिलास
तवापासून राज्या मा संसार झाला खलास

गमावली राज्या म्या दारूत घरची नोटन्नोट
जवापासून घेत गेलो दारूचा मी घोटन्घोट

बायको न् पोरं माह्याकळे भिरभिर पाह्येत
मी ये लोग माह्यासाठी ते जेव्याचे राह्येत

बायेरून येवो मी लागुन झोकांड्या खात
बायकोले मारझोळीत जाये मायी सारी रात

बायको धावे कुत्र्यावाणी, मी पेवो दारूचं पानी
खरंचं या दारूपाई गेली वाया माह्यी जींदगानी

माया इस्टेटीचं निरामन केलं म्या पानी
मंग पायेत लेकरं तोंडाकळे भिकार्‍यावाणी

बायकोबी गेली तिच्या मायेरी पवून
अन् मी बस्लो हाती धुपारनं घेवून

जवापासून घेत्ला म्या हाती दारूचा प्याला
तवापासूनच माह्या जींदगीचा सत्यानास झाला

• रघुनाथ दा. सोनटक्के

   तळेगाव दाभाडे, पुणे

   मो. 8805791905

(३ जून २००० दै. देशोन्नती)

दुस्काळ

दुस्काळ

म्या जगाचा पोशिंदा
खायला ना उरला घास
या दुस्काळापायी पडला
माज्या गळ्यामंदी फास

कोरड्या पडल्या हीरी
सुकले नदी नाले
टक लावुन बसलोय
सपाट आभायाले

भुई झाली कोरडी
आभाय झालं सुनं
पाण्याविना आता
जगावं कसं जीणं

खाऊ कसं घास
ऊपाशी गोठ्यापुढं
सुकली बाभळी
गुरांची झाली हाडं

सपान डोळ्यामंदी
होतं तसं मुरलं
कर्ज, उसनवारीतच
आलं तसं सरलं

फाटक्या माज्या धोतरवाणी
फ़ाटली धरणीमाई
ओवायला पुरणां ही
सरकारी भरेपाई

बि-बियाणंसाठी आता
ठेवू म्हंतु साैभाग्याचं लेणं
हवालदील झालंय हे
माजं फाटलेलं जीणं

~ रघुनाथ सोनटक्के

    तळेगाव, पुणे

    ८८० ५७९ १९०५

रोखठोक दिवाळी अंक २०१७ मध्ये प्रकाशित
३  आणि १४ जानेवारी २०१९ च्या दै. स्वाभिमानी छावा , 
५ जानेवारी २०१९ ला दै. डहाणू मित्र मधे  व 
१० जानेवारी २०१९ च्या दै. वाचकमंच प्रकाशित 
७ फेब्रुवारी २०१९ च्या दै. बलशाली भारत  मधे प्रकाशित 
एप्रिल २०१९ च्या मासिक चपराक मधे प्रकाशित
१२ मे २०१९ दै. संघर्ष समाजवादाचा मधे प्रकाशित 
१७ मे २०१९ दै. बंधुप्रेम मधे प्रकाशित 
२ जून २०१९ लोकशाही वार्ता (प्रतिबिंब पुरवणी) मधे प्रकाशित 
९ जून २०१९ दै. विदर्भ मतदारमधे प्रकाशित 

   

तुय लगन होईन तवा

तुय लगन होईन तवा

तुय लगन होईन तवा 
जाशीन तु दूर 
पण माह्या जीवात आग 
डोयात येईन पूर 

तुया लग्नात पोरी 
हासतीन तुये ओट
मले मातरं प्या लागीन 
तुया जुदाईचा घोट 

तुया हातावरची मेंदी 
रंगुन जाईन फार 
अन् लोकं उडवतील 
तुया लग्नाचा बार 

होईन तुयं शुबमंगल 
अन् पळीन गयात हार 
मी मातरं होईन
जागच्या जागी ठार 

लळशीन तु बेज्या 
सारं जग पाहीन 
कोणासाठी लळतं 
कोणाले नाई कईन 

मी तुयावर पेरम करो 
मले ध्यानात ठेवजो 
आठोन आली तवा 
चंद्राकळे पायजो 

या जन्मात नाही 
तुय माय मिलन 
पुढच्या जन्मी ना
तुया बिगर जमन 

● रघुनाथ सोनटक्के ●

१८ जानेवारी २०१९ च्या दै. स्वाभिमानी छावा मधे प्रकाशित