प्रभात

प्रभात

सूर्य लालेलाल

नभी गोल टिळा

चमकती प्रभा

वाढे तोळा तोळा

शेतामधे हिरवे

पीक लांब तुरे

पहाडी लोंबती

दुधी फेस झरे

मखमली तृण

गाई-गुरं चरे

खळखळ नदी,

झुळझुळ वारे

झाडावर गाणे

कोकीळ ती कुहे

खोप्यातून पिल्लू 

उंच नभी पाहे

चकाकते दंव

रानफुल ओले

मकरंद चाखत

भ्रमर तो डोले

• रघुनाथ सोनटक्के

 २२ मे २०२०, दै आदर्श महाराष्ट्र,
२६ मे २०२०, दै युतीचक्र
२७ मे २०२०, दै. जनमाध्यम 
३१ मे २०२०, दै. लोकशाही वार्ता  
 ७ जून २०२०, दै. विदर्भ मतदार
१२ जुलै २०२०, दै. तरुण भारत, नागपूर (आसमंत पुरवणी)