काहून नाई पेले देशी

काहून नाई पेले देशी

बाबा तुमी काहून घेतली फाशी
काहून नाई पेले तुमी दारू देशी

तुमी गेले त्या दिशी कोणी नाय पाह्यलं
दारू पेणार्याच्या घराले टिवीवर दाखोलं
तुमी आणली ही टिवी अशीकशी
बाबा काहून नाई पेले तुमी दारू देशी

सारं कसं उलटं हून राह्यलं
ढोसणार्याले अनुदान भेटून राह्यलं
पोशींदा मरून राह्यला उपाशी
बाबा काहून नाई पेले तुमी दारू देशी

नोकरवरगाले सरकार आयोग देवून राह्यलं
बिल नाही म्हून आमाले अंधारात ठुन राह्यलं
आमचं म्हणणार्या सरकारची निती हाय कशी
बाबा काहून नाई पेले तुमी दारू देशी

 • रघुनाथ सोनटक्के