अवयवदान

« अवयवदान »

अवयवदान । करूया सारे

मरून उरा रे । जगती या ।।

पाप-पुण्याचा । कशा लेखाजोखा ।

दुर करा धोका । गरजुचा ।।

मरावे परी या । जगती उरावे

दान करावे । देह आपले ।।

रूढी-समजुतींना । देवुनी फाटे ।

दान करा मोठे । अवयवांचे ।।

अंधाला दृष्टी द्या । कुणाला हृदय

ब्रेनडेड होता । दान करा ।।

काळीज आपलं । देवून थोडं ।।

करा जीव गोड । आजार्‍याचा ।।

किडनी न् डोळे। आहेत दोन

वाचतील प्राण । एक देता ।।

त्वचा, आतडे । करा रक्तदान

वाचवा प्राण । वंचितांचे ।।

• रघुनाथ सोनटक्के

  तळेगाव दाभाडे, पुणे

  मो. 8805791905

९ ऑक्टोबर २०१८ च्या सायबर क्राईम मध्ये प्रकाशित