बेवळा

बेवळा

रोज पायजे त्याले प्याले
खाले चकना दाणे काजू
मस्तवाल झाला साला
रायला हा बेवळा माजू

पिऊन पिऊन रोज
सळ्लं याचं लिवर
कदी पेते देसी कोरी
कदी गावरान पिवर

बायको पोरायले झोळ्ते
भांडे-कुंडे टाकते ईकून
मारामारी गाली गलोच
मारते हाती ईल ते फेकून

पेल्यावर मानत नाई कोनाले
बोलते इंग्लिस केवळा
सुनत नाई कोनाच्या बापाची
हाय हा इब्लिस बेवळा

सारं केलं वाटोय यानं
नुसतं पायजे याले खंबा
अस्या बेवळ्याचं काई खरं नाई
शेवटी होते मंग तो लंबा

• रघुनाथ सोनटक्के

 २१ मे २०२०, दै. युतीचक्र