श्रावण

श्रावण

रिमझिमतो श्रावण
घनदाट रानोमाळी
हिरवे होत चराचर
फुले सोनसकाळी

कुहूकुहू करे कोकिळ
नाचे मोर पिसार्‍यातून
हळूच डोकावे अनिल
ढगांच्या पसार्‍यातून

कधी कोवळी तिरीप
लख्ख दाह तो नभी
इंद्रधनू सप्तरंगासवे
खुलवत राहे कधी

वाहे अवखळ वारा
बिलगतो प्रिया परी
तारूण्य असे बहरले
सुरूच हलक्या सरी

निसर्ग तो धरणीला
वेढून घेत मनोहारी
सुंदर मनमोहक भासे
धरा ही राधा बावरी
• रघुनाथ सोनटक्के, पुणे
  मो. ८८०५७९१९०५

२६ जुलै २०२०, दै. युतीचक्र 
३० जुलै २०२०, दै. आदर्श महाराष्ट्र