उघाड

« उघाड »

अशी देली रं उघाड
पिकांनी टाकली मान
हुलकावणी दिली गड्या
कंठाशी आलाय प्राण

होतं नोतं टाकलं मातीत
जीव ओतला सारा
कष्टाचं होऊ दे सोनं
रानी गुंजतो फकस्त वारा

पिढी खपली रानात
दान पडू दे रं पदरी
पोटाला अन ल्याला काप्डं
मुक्याला मिळंल बाजरी

वार्‍यासंग ढगबी पळती
रातीला पडतं चांदणं
फाटक्या झोळीला भरू दे
हाय एवढंच आम्चं मागणं

उन्हातान्हांत खपुन झालं
अन् तुजं अस्मानी वागणं
भुईसंग आसावला जीव
अन् मेघा तुजी वाट बघणं!

अन् मेघा तुजी वाट बघणं!

• रघुनाथ सोनटक्के

   तळेगाव दाभाडे, पुणे

   मो. 8805791905

१९ ऑगस्ट २०१८ च्या दै. लोकशाही वार्ता, प्रतिबिंब पुरवणीत प्रकाशित

२२ जुलै २०१८ च्या दै. तरुण भारत मधे प्रकाशित 
१२ जुलै २०१८ दै. डहाणू मित्र मधे प्रकाशित 
 १५ जुलै २०१८ च्या दै. विदभ मतदार मधे प्रकाशित
१५ जुलै २०१८ सा. कल्याण टाईम्स मधे प्रकाशित