« आठवणीत रमतांना »
तुझ्याकडे बघितल्यावर
तू हलकंच हसायचं
म्हणायचं काय मला
तुला सारं कळायचं
रांगोळी तुझी पाहतांना
मन रंग रंग व्हायचं
तिरप्या नजरेने तुझ्याकडे
चोरून मग बघायचं
मागे वळून पाहतांना
खुदकन तू हसायचं
तू मला मनात अन्
मी फुलागत जपायचं
मी तुला बघायचं
अन् तू गोड हसायचं
तुझं नि माझं सदा
असंच चालत असायचं
गेलीस सोडून दूर
आता कसं जगायचं?
नकळत प्रेम डोळ्यातून
अश्रू होऊन गळायचं
लिहीलेलं नाव हृदयावर
सांग कसं खोडायचं?
बांधलेलं घर प्रेमाचं
का स्वत:च मोडायचं?
हृदयातून आता तुला
सांग कसं काढायचं?
आठवणीत रमतांना
तुला असंच जपायचं...
• रघुनाथ सोनटक्के
तळेगाव दाभाडे, पुणे
मो. ८८०५७९१९०५
२६ फेब्रुवारी २०१९ च्या दै बलशाली भारत मधे प्रकाशित
१६ जून २०१९ च्या दै. विदर्भ मतदार मधे प्रकाशित
२६ फेब्रुवारी २०१९ च्या दै बलशाली भारत मधे प्रकाशित
१६ जून २०१९ च्या दै. विदर्भ मतदार मधे प्रकाशित
No comments:
Post a Comment