विठ्ठला
बुडते हे जग / वाचव रे देवा
ऐक माझा धावा / बा विठ्ठला
दु:ख, पीडा, रोग / वाढत का जावे
किती रे पाहावे / बा विठ्ठला
तुझ्या या मळ्यात / पिकवे जो धान
नाही त्यास मान / का विठ्ठला?
निर्बल सोसतो / यातना कठीण
भर त्यात प्राण / बा विठ्ठला
जात, धर्म, पंथ / दुग्ध अभिषेक
उपाशी तो एक / का विठ्ठला?
मातले ते ढोंगी / मिथ्या देशभक्ती
मिळे केव्हा मुक्ती / ती विठ्ठला
भ्रष्ट जातीधर्म / स्वार्थी किडे, भुंगे
पाहतो का दंगे / हे विठ्ठला
• रघुनाथ सोनटक्के, पुणे
मो. ८८०५७९१९०५
२ जुलै २०२० दै. युतीचक्र
२ जुलै २०२० दै. युतीचक्र
No comments:
Post a Comment