पांडुरंगा
विठू सावळा तू / कर कटेवरी
सोड आता तरी / ध्यान तुझे
तुझ्या या मळ्यात / पिकवितो धान
नाही थोडा मान / का विठ्ठला?
काळ्या मातीचाच / लावीतो मी बुक्का
राबतोय सखा / नंदीदेव
रखूमाई सखी / संसारात गोडी
सुख-दु:खा जोडी / नांदताहे
झुलती पताका / उभ्या पिकांवरी
जमले भूवरी / वारकरी
युगे अठ्ठावीस / सोसतो दारिद्र्य
स्वत: मी अभद्र / समजतो
दुष्काळाने असा / गाठला कळस
कष्टाची ही तुळस / डोई माझ्या
शेतामधे माझ्या / करितो मी वारी
हर दु:खे सारी / पांडुरंगा
• रघुनाथ सोनटक्के, पुणे
मो. ८८०५७९१९०५
No comments:
Post a Comment