पुस्तके

पुस्तके
ज्ञान प्रकाशाने | उजळते डोके
वाचून पुस्तके | नियमित

ज्ञानोबा, तुकोबा | अगाध भांडार
लिहून ते सार | ठेवियले

ग्रंथ हेच गुरू | मानियले ज्यांनी
लिहिलेय त्यांनी | संविधान

दाखविती मार्ग | जणू ते माऊली
पावलोपावली | जगताना

अध्यात्म, विज्ञान | पुस्तके भांडार
आणि व्यवहार | शिकवती

पानापानांतून | ज्ञान त्यांच्या झरे
डोक्यात उतरे | वाचकाच्या

पुस्तकेच गुरू | मित्रासम गुण
शब्दा-शब्दांतून | बोलतात

अनमोल ठेवा | ज्ञानाचा हा मेवा
नव्या या पिढीस | चाखवावा
• रघुनाथ सोनटक्के

 २६ एप्रिल २०२०, दै. युतीचक्र,  २७ एप्रिल २०२०, दै. जनमाध्यम, 
२६ मे २०२०, दै. आदर्श  महाराष्ट्र