पाखरं
अंगणी येणारी सारी
झाली गायब पाखरं
चिऊ काऊ सर्वाशी
खेळती सान लेकरं
झाडांवर विणे पक्षी
काड्या-कापसाचा खोपा
चिवचिव पडे कानी
घेता झाडावर झोका
दारामधे धान्य वाळे
भुर्र टिपायचे किडा
सकाळ, संध्येला नभी
दिसत मोहक माळा
धान, बाज्रा पिकांवर
झुंडीने ती बसायची
त्यांच्यासह आपल्याला
काही कमी नसायची
चिऊ आणि काऊसंगं
बाळं गिळायची घास
झोपी जात अंगाईला
येई मायेचा हो वास
• रघुनाथ सोनटक्के
मो. ८८०५७९१९०५
१६ एप्रिल २०२०, आदर्श महाराष्ट्र
१७ एप्रिल २०२०, जनमाध्यम
१६ एप्रिल २०२०, आदर्श महाराष्ट्र
१७ एप्रिल २०२०, जनमाध्यम
२२ एप्रिल, युतीचक्र
No comments:
Post a Comment