घडू नये पाप

घडू नये पाप
(बलात्काऱ्याला उद्देशुन)

नकोस करू अत्याचार
छळू नकोस दादा
आई-बहीण माझ्यासारखी
असेल तुला सुद्धा

असा कसा वागू शकतो
मीपण आहे कुणाची ताई
जनावरासारखा वाग म्हणुन
काय सांगते तुझी आई

क्षणापुरत्या वासनेसाठी
जाळतो माझा देह
तुझ्या आईबहिणीलाही
का करतो असा स्नेह

राहून राहून येते मला
माझ्या आईबाबांची याद
तू तर जाशील सोडून
सावरेल कोण माझ्या बाद

छळतील लोक तुला
पिळतील माझे शरीर
जगशील अपमानित
वाटू दे फिकीर

आग दाबून शरिराची
शहाण्यासारखं वाग
आतमधल्या सैतानाला
ठेचून तू काढ

रघुनाथ सोनटक्के

तळेगाव, पुणे, 8805791905

३१ डिसेंबर २०१८ च्या दै. स्वाभिमानी छावा मधे प्रकाशित