परत ये सखे

« परत ये सखे »

ना जाऊस दूर । मला सखे दुर ।

आसवांचा पुर । आवरेना ।।

जगु कसा मी गं । सांग तुझ्याविणा ।

छळतात सदा । आठवणी ।।

हर श्वास घेतो । सदा तुझे नाव ।

सापडेना गाव । माझे मला ।।

श्वास तु माझा । तडफडे जीव ।

झाला कासाविस । तुझ्यासाठी ।।

सहन ना होत । हा विरह तुझा ।

आसावला जीव । भेटावया ।।

परत ये आता । हाक देतो जीव ।

ओठी तुझे नाव । क्षणोक्षणी ।।

रडतो तुझ्यासाठी । जीव माझा भोळा ।

झालो मी वेडा । तुझ्यापायी ।।

  • रघुनाथ सोनटक्के

    मो. 8805791905

२० जुलै २०१८ च्या दैनिक डहाणू मधे प्रकाशित