तुझ्यावर

तुझ्यावर

निसर्गानं ऋतुवर करावं

तसं प्रेम तुझ्यावर केलं

       माळ्यानं फुलावर

       पाखरानं पिलावर

       तसं प्रेम तुझ्यावर केलं

पक्षानं झाडावर

पानानं दवांवर

तसं प्रेम तुझ्यावर केलं

        मातेनं गर्भावर

        जीवानं श्वासावर

        तसं प्रेम तुझ्यावर केलं

तटानं नदीवर

माशानं पाण्यावर

तसं प्रेम तुझ्यावर केलं

       नभानं धरेवर

       सूर्यानं जगावर

       तसं प्रेम तुझ्यावर केलं

राघुनं मैनेवर

कान्ह्यानं राधेवर

तसं प्रेम तुझ्यावर केलं

      • रघुनाथ सोनटक्के

         तळेगाव दाभाडे (पुणे)

         मो. 8805791905

        

दै देशोन्नती मधे प्रकाशित
१५ सप्टेंबर २०१९ विदर्भ मतदारमधे प्रकाशित

 

जींदगीचा सत्यानास

« जींदगीचा सत्यानास »

जवा म्या घेतला हाती दारूचा गिलास
तवापासून राज्या मा संसार झाला खलास

गमावली राज्या म्या दारूत घरची नोटन्नोट
जवापासून घेत गेलो दारूचा मी घोटन्घोट

बायको न् पोरं माह्याकळे भिरभिर पाह्येत
मी ये लोग माह्यासाठी ते जेव्याचे राह्येत

बायेरून येवो मी लागुन झोकांड्या खात
बायकोले मारझोळीत जाये मायी सारी रात

बायको धावे कुत्र्यावाणी, मी पेवो दारूचं पानी
खरंचं या दारूपाई गेली वाया माह्यी जींदगानी

माया इस्टेटीचं निरामन केलं म्या पानी
मंग पायेत लेकरं तोंडाकळे भिकार्‍यावाणी

बायकोबी गेली तिच्या मायेरी पवून
अन् मी बस्लो हाती धुपारनं घेवून

जवापासून घेत्ला म्या हाती दारूचा प्याला
तवापासूनच माह्या जींदगीचा सत्यानास झाला

• रघुनाथ दा. सोनटक्के

   तळेगाव दाभाडे, पुणे

   मो. 8805791905

(३ जून २००० दै. देशोन्नती)

नकोस

« नकोस »

आधीच तुटलोय मी

पुन्हा तोडू नकोस

सोसलंय बरंच काही 

पुन्हा छळू नकोस

हळूवार तुझं अागमन

देवून गेलं गारवा

आशेच्या पालवीला  

पुन्हा जाळू नकोस

तुझं हसणं, बोलणं

लाजणं तुझं भारी

आवडतेस तु खुप

सोडून जाऊ नकोस

नभांसारखं तुझं मन

धरणीसारखे डोळे

ह्रदयाला माझ्या तू

तोडून जाऊ नकोस

स्वप्नांचा बांधलाय इमला

आहे गरिबाची झोपडी

पाहून कुणाच्या महालाला

मोडून जाऊ नकोस

• रघुनाथ सोनटक्के

  तळेगाव दाभाडे, पुणे

  मो. ८८०५७९१९०५

दि. २४ जून २०१८ च्या दै. विदर्भ मतदार मधे प्रकाशित 

शब्द

 « शब्द »

शब्द तोडतात क्षणात मनामनातील नाती

शब्दच होतात कधी शिपंल्यातील मोती

धन, देह नश्वर, शब्दच उरतात अंती

वाफ होऊन तरंगत राहते बाकी आसमंती

शब्दच पसरवतात हिंसा, भेद, मत्सर विखारी

कुणी शब्दांचा रसिक, तर कुणी असतो भिकारी

कुणी करावा जप शब्दांचा, कुणी कराव्या ढाली

कुणी व्हावा अंगार, तर कुणी कराव्यात मशाली

शब्दानेच होतो ‘वाल्मिकी’,  कुणी होतो मवाली

शब्दच होतात गोड, बाकी सारं ‘त्याच्या’ हवाली

शब्द कायदा, शब्द वायदा, कुणाचा असतो कव्वाली

त्यानेच होते शिक्षा, समाधान, अन् ‘भावा’ची वसुली

         • रघुनाथ सोनटक्के, मो. 8805791905

१ नोव्हेंबर २०१८ च्या दै. पथदर्शी मधे प्रकाशित  
२ डिसेंबर २०१८ च्या दै. डहाणू मित्र मधे प्रकाशित

 

फार झाले

फार झाले

चाखुन फार झाले शब्द तुझ्या ओठीचे

काढून फार झाले अर्थ त्या मिठीचे

नाव ना सुचले तुज आपल्या नात्याला

वापरून फार झाले शब्द मज गाठीचे

गायले मी तुजसाठी प्रोचे तराणे

काय झाले आता गोड त्या भेटीचे

खंबीर होती तु हरवेळी मजसाठी

मग कारण काय होते कुठल्या भीतीचे

मजसाठी तु झुगारले बंध वेळोवेळी

मग पाळले नियम तु कोणत्या रितीचे

- रघुनाथ सोनटक्के

8805791905

मासिक साहित्य चपराक मधे प्रकाशित 

जोडी

« जोडी »

ढवव्व्या-पवव्व्याची जोडी

आहे तुझ्या संगतीला

   कोमजु नये पिक

जीव लागे टांगणीला

  बहरंल पिक शेतात

  जशी झुल अंगावरं

  जरी घालतो वैरण

जीव तुह्या बांधावरं

   वाजती कसांड्या

घुमे नाद किणकिण

   श्रावणातही दिसे 

  रोपं हिर्वी ईनमीन

शिंगाना लाल-पिव्वा

   रंग देवुन रं छानं

  जसं रंगंवलं शेतं

आम्हासंग जोडीनं

  तासली दोन शिंगं

गळ्यात झुंबर छानं

   पाठी तुझा हात

आवडे ते औक्षवणं

खाऊ घालीतो ठोंबरा

गोड लक्षुमीची माया

  पोरासोरांना जेवु दे

गोड पुरणाच्या पोया

• रघुनाथ सोनटक्के

8805791905

(दि २० मे २०१८ च्या दै.  विदर्भ मतदार मध्ये प्रकाशित ) 
http://vidarbhamatadar.com/upnews/20052018/Dainik-4.pdf

(६ ऑक्टोबर  २०१८ च्या दै. डहाणू मित्र मध्ये प्रकाशित )

                                

जोडी

ढव्व्या-पव्व्याची जोळी

हाय तुया संगतीले

कोमजु नोको पीक

जीव लाग्ला टांगनीले

बहरलं पीक वावरात

जसी झुल अांगावर

जरी घालतो चारा मले

जीव तुह्या बांधावर

वाजतात कसांड्या

घुम्ततात किनकिन

श्रावणातई दिस्ते

रोपं हिर्वी ईनमीन

शिंगाले रंगोलं तुया

लाल-पिव्व्या रंगानं

जसं रंगोलं वावर

आम्च्यासंग जोळीनं

तासली दोन शिंगं

गयात झुंबरं रे लेनं

पाठीवर तुया हात

आवळते औक्षवनं

खाऊ घालतो ठोंबरा

गोळ लक्षुमीची माया

पोरासोरांयाले जेवु दे

गोळ पुरणाच्या पोया

• *रघुनाथ सोनटक्के*

  तळेगाव दाभाडे, पुणे

  मो. ८८०५७९१९०५

पाऊस

पाऊस  - रघुनाथ सोनटक्के

काड्यांची छत्री

श्रावणाचा पाऊस

माझ्याविणा नको

गाणे 'ते' गाऊस

भिजलेला पदर

ओला ओला पाऊस

रूपासाठी नको

आणी काय लेवुस

खिडकीतुन डोकाव

रिमझिम पाऊस

माझ्याविणा नको

गरम चहा पिवुस

गार गार वारा

आणतोय पाऊस

चुलीमधे नको

माझं मन जावुस

तेच जुनं पुस्तक

परत तोच पाऊस

जुन्या त्या गुलाबाचा

गंध नको घेवुस

• रघुनाथ सोनटक्के

९ जून २०१८ च्या दै. युवा छत्रपतीमध्ये प्रकाशित

२४ जून २०१८ च्या दै. तरुण भारत, अक्षरधारा पुरवणी मध्ये प्रकाशित 

http://epaper.tarunbharat.com/1708596/Aksharyatra/AKSHARYATRA#page/6/1

९ सप्टेंबर २०१८ च्या दै. जनशक्ती (मुंबई) मधे प्रकाशित

http://epaper.ejanshakti.com/1808853/Mumbai-Janshakti/09-09-2018#page/8/1

१८ ऑगस्ट २०१९, दै. तरुण भारत, आसमंत पुरवणीत प्रकाशित

२२ ऑगस्ट २०१९, दै. एकमत साक्षी पुरवणीत प्रकाशित

१० सप्टेंबर  २०१९ दै. सकाळ, अकोला मधे प्रकाशित   

१ सप्टेंबर २०१९ दै. हिंदुस्थानमधे प्रकाशित