पळसाचं झाड

« पळसाचं झाड »

किती सोसतोय
विरहाच्या झळा
रानामधे एकटा
राहिलो मी तोळा

आशेचे अंकूर
प्रेम‍ाचा फुलोरा
वैरी तो माझा
हाताचा बिलोरा

सालाने चढलाय
माझ्या गावात बहर
भरू दे रंगाने
तुझं लखलखतं शहर

कोळून फुल‍ांना
काढून घे रंग
रंगेन तुझे वस्त्र
घट्ट माझ्या संग

वर्षातून एकदाच
आठवण तू काढ
वाट पाहते बघ
ते पळसाचं झाड

• रघुनाथ सोनटक्के 

१६ मार्च २०१९ च्या दै. युवा छत्रपती, बलशाली भारत आणि मराठवाडा संचार मधे प्रकाशित 
२४ मार्च २०१९ च्या दै. तरुण भारत (नागपूर) मधे प्रकाशित  
१२ मे २०१९ दै. विदर्भ मतदारमधे प्रकाशित, ९ जून २०१९ दै. गाववाला मधे प्रकाशित
१३ जून २०१९ दै. गाववाला मधे प्रकाशित