मामाच्या पोरीची होई

मामाच्या पोरीची होई

(खास वर्हाडीबोलीभाषेतील कविता)

अशी राज्या मामाच्या पोरीची केली म्या होई
एवळी केली की रंगानं दिसे निरा काई

म्या म्हतलं घे हानुन आजचास तं रोज आहे
वर्सातुन एक संधी भेट्ते, होई काय रोज आहे

घरातबी नोतं कोनी म्या म्हतलं घ्या हानुन
म्या अन् तिनं मंग घेतली भांग पिऊन

दातबी केले काये, मंग तं भलकसी लळे
मी म्हणो चुडैल अन् ते म्हणे सोळ बाबू मले

म्या म्हतलं, 'तोंड कायं कर म्हणत होती मले
जाय बरं बाहीर लोकं काय म्हणतात तुले

मामा घरी ये लोग म्या रंगोलं तिले
मामा म्हणे पोरी कोनं हिंडोलं तुले

मंग तं खाये दातओठ अन् करे लाहीलाही
अजुनबी होईच्या दिशी करते नाई नाई

-रघुनाथ सोनटक्के
तळेगाव दाभाडे, पुणे
८८०५७९१९०५
(पुर्वप्रकाशित कविता, १९९९)
२७ मार्च २०१९ च्या दै. मराठवाडा संचार मधे प्रकाशित