अंतरिचे बोल

« अंतरिचे बोल »

घाव केले हृदयी
जखमाही केल्या खोल
कविता होऊन पडले
मनी अंतरिचे बोल
     न पुसता केले प्रेम
     सदा साठवले मनात
     वाहले अश्रू नयनातुन
     काय हेच त्याचे मोल
विसर पडला जगाचा
आठवणीतही तुझे राज्य
आधाराविणा ढळलो
सावरू कसा तोल
     प्राण माझा, स्वप्न माझी
     होते सारे तुझ्यासाठी
     मला हवे होते फक्त
     दोन प्रेमाचे बोल
येईल वर्षा कधीतरी
फुटेल पालवी फांदीवर
गाईल पुन्हा कोकिळ
वर्षागिताचे बोल
     कविता होऊन पडले
     मनी अंतरिचे बोल

• रघुनाथ सोनटक्के

  तळेगाव दाभाडे (पुणे)

  मो. 8805791905

दै देशोन्नती मधे प्रकाशित